بعد 5 سنين من طلاقنا.. طليقي الملياردير قعد جنبي في الدرجة الأولى في الطيارة مخصوص عشان يوريني أنا خسرت ايه.. بس لما نزلنا.. 3 بنات صغيرين نزلوا جري من عربية بنتلي وجريوا في حــ,,ـــــضني وبيقولوا ماما.. وهو سكت خالص
بعد 5 سنين من طلاقنا.. طليقي الملياردير اختار الكرسي اللي جنبي في الدرجة الأولى مخصوص.. عشان يفكرني بكل حاجة هو فاكر إني خسرتها
كان فاكر إني لوحدي.. كان فاكر إني بقالي سنين ندمانة إني سبته
اللي مكنش يعرفه.. إن أول ما هننزل من الطيارة.. 3 بنات صغيرين هيجروا من عربية بنتلي مستنيانا وهيجروا في حــ,,ـــــضني..
والحقيقة اللي هو معرفهاش بقاله 5 سنين.. هتغير كل حاجة هو كان فاكر إنه فاهمها
أنا كنت آخر واحدة أتوقع أشوفها الصبح ده.. هو كان آخر واحد أتوقع أشوفه
أول ما دخل كابينة الدرجة الأولى.. عرفته فوراً
عدى 5 سنين من طلاقنا.. بس فيه ناس سايبة ذكريات الوقت عمره ما بيمسحها
لثانية واحدة.. عينينا جت في بعض.. وبعدين تعبير وشه اتغير
قال
يا نهار.. مش معقول
قفلت الكتاب اللي في حجري وقلت
صدقني.. لو كنت أعرف إنك في الطيارة دي.. كنت سقت العربية
ناس كتير بقت تبص علينا..
وهو شكله كان مبسوط بالاهتمام ده
المضيفة بصت على التذكرة بتاعته وقالت
حضرتك الكرسي بتاعك..
قال
أنا عارف كرسيي فين
وللمفاجأة.. قعد جنبي بالظبط.. رغم إن كان فيه كراسي فاضية كتير
قلت له
كان ممكن تقعد في أي حتة تانية
قال
عارف
أمال قاعد هنا ليه؟
ابتسم ابتسامة خفيفة وقال
5 سنين مسمعتش صوتك.. قلت لازم نتكلم
بصيت تاني ناحية الشباك وقلت
انت طول عمرك بتفكر إن البرود ثقة
قال
وانتي طول عمرك بتفكري إن الأسرار براءة
بطني وجعتني.. هنا بقى..
سوء الفهم اللي أنهى كل حاجة بيننا
من 5 سنين.. كنا من أشهر اتنين في البلد.. هو الملياردير صاحب شركة طاقة نظيفة.. وأنا عالمة البيئة اللي ساعدت أعمل التكنولوجيا بتاعة الشركة دي كلها
كنا مع بعض في كل حتة.. مجلات.. حفلات خيرية.. مؤتمرات.. الناس كانت شايفانا ميتفرقش
وبعدين كل حاجة انهارت.. لقى رسايل على تليفوني.. رسايل فهمها غلط.. رسايل مكنش عندي فرصة أشرحها..
كانت استشارات خاصة مع دكتورة نسا عشان حمل خطر في 3 توائم كنت ناوية أفاجئه بيه في عيد جوازنا
لسه فاكرة كنت واقفة في شقتنا والمدينة كلها بتنور من الشبابيك
قال
مين ده؟
قلت
مفيش علاقة
قال
أمال فسرلي الرسايل دي
بس مكنش مستعد يسمع أي تفسير.. كان عايز تأكيد للقصة اللي في دماغه.. وغرقان في الشك.. واداني ورقة الطلاق.. وقال إن أي طفل أنا شايلاه مش ابنه.. ورفض حتى يبص على السونــ,,ـــــار
في كام شهر.. المحامين دخلوا.. الثقة اختفت.. وجوازنا انتهى
ودلوقتي.. بعد 5 سنين..
قاعدين جنب بعض على ارتفاع 30 ألف قدم
قال فجأة
اختفيتي
قلت
كملت حياتي
من غير ما تاخدي ولا جنيه
مكنتش عايزة فلوسك
وده شكله ضايقه أكتر من اللازم
لساعات.. كنا بين السكوت والذكريات القديمة
ولا واحد فينا اعترف إن الموضوع لسه فارق معاه
لما الطيارة نزلت أخيراً.. حسيت براحة.. مسكت شنطتي ومشيت ناحية المطار.. وكنت حاسة إنه بيبص عليا من ورايا
بره المطار.. عربيات سودا كتير واقفة.. رجال أعمال.. سواقين.. بودي جاردات.. العالم اللي هو لسه عايش فيه
وبعدين عربية بنتلي سودا قربت.. الباب اللي ورا اتفتح..
3 بنات صغيرين نزلوا
ماما!
صوتهم سمع في المكان كله.. قبل ما حتى أرد.. كانوا بيجروا عليا
واحدة حــ,,ـــــضنت وسطي.. والتانية مسكت إيدي.. والصغيرة كانت هتوقعني من كتر ما حــ,,ـــــضنتني جامد
ضحكت ودموعي نزلت وقلت
يا حبايب قلب ماما
وبعدين بصيت لفوق
هو موقفش.. كان واقف متسمر مكانه على الرصيف.. ووشه بقى أبيض فجأة
عشان التلات بنات كان عندهم عيني.. بس وشه هو.. نفس الشعر الغامق.. نفس الضحكة.. نفس الملامح اللي متتلغبطش
لثواني طويلة.. محدش اتكلم
وبعدين خد خطوة صغيرة لقدام.. وصوته طالع بالعافية
قال
انتي..
بصيت له..
ولأول مرة من 5 سنين.. شفت في عينيه خوف بجد.. مش برود
عشان لسه مستوعب المستحيل
الرسايل اللي أنهت جوازنا.. عمرها ما كانت لراجل تاني.. ومن طريقة ما كان بيبص للبنات.. كان أخيراً بيبدأ يفهم هو خسر ايه بجد
فضل واقف مكانه.. ماسك شنطته.. وعينه مش نازلة من على البنات
واحدة من البنات.. الكبيرة.. بصت له وقالت لي
ماما.. هو ده الراجل اللي في الصورة اللي على التسريحة؟
أنا اتجمدت
أيوه.. أنا كنت سايبة صورة فرحنا القديمة على التسريحة.. مش عشان لسه بحبه.. عشان البنات كل يوم يسألوني.. بابا فين.. فكنت بقول لهم..
بابا مسافر.. ولما يكبروا هيفهموا
البنت الصغيرة.. اللي عندها 4 سنين ونص.. راحت ماسكة إيدي وقالت بصوت عالي
هو ده بابا؟
الشارع كله سكت.. حتى السواق بتاع البنتلي نزل من العربية ووقف متنح
هو بلع ريقه وقال بصوت واطي
انتي قلتي لهم إني مسافر؟
قلت له
كنت هقول لهم ايه؟ أقول لهم إن بابا شاف سونــ,,ـــــار فيه 3 قلوب بتنبض وقال مش ولادي ورمى ورقة الطلاق ومشي؟
وشه أحمر.. قرب خطوة كمان
البنات التلاتة رجعوا ورايا.. مسكوا في رجلي.. كانوا خايفين منه..
عشان أول مرة يشوفوا راجل طويل واقف قدامهم وبيبص لهم كده
قلت لهم
متخافوش يا حبايبي.. روحوا اقعدوا في العربية مع عمو.. ماما جاية حالاً
السواق فتح لهم الباب.. وركبوا.. وفضلوا باصين من الشباك
فضلنا احنا الاتنين واقفين على الرصيف.. والشنط حوالينا.. والناس بتعدي
قال
دول.. دول عندهم كام سنة؟
قلت له
4 سنين و 7 شهور
حسبها في دماغه.. 5 سنين طلاق.. وحمل 9 شهور.. يعني..
وشه اتخطف
قال
الرسايل.. كانت للدكتورة؟
قلت له
أيوه.. كانت للدكتورة.. كنت حامل في 3 توائم حمل
فتحوا الدولاب وطلعوا كل الصور اللي كنت مخبياها
صورهم أول ما اتولدوا.. 3 حضانات جنب بعض في المستشفى.. وأنا لوحدي قاعدة في النص
صورة أول يوم حضانة.. واحدة بتعيط.. واحدة بتضحك.. واحدة نايمة
صورة أول مرة قالوا ماما.. كنت مسجلها فيديو
وهو بيتفرج.. وكل صورة يبص لي ويقول
كنتي لوحدك؟
أقول له
لأ.. كنت معاهم
قصدي.. مفيش حد كان معاكي؟
كان معايا ربنا.. وكان معايا المحامية.. وكان معايا الست اللي كانت بتيجي تساعدني ترضع واحدة وأنا برضع اتنين
سكت.. وبعدين قال
وأنا كنت فين؟
كنت في مؤتمر في سويسرا بتكلم عن العيلة والمستقبل المستدام.. وأنا سايب عيلتي الحقيقية
البنات زهقوا من النكد.. قاموا شدوه
قوم.. قوم نلعب استغماية
قام.. راجل طوله متر وتمانين.. لابس بدلة.. بيلعب استغماية في أوضة 3 في 3.. وبيستخبى ورا ستارة شفافة والبنات شايفاه وبيضحكوا عليه ويقولوا
شفناك!
وأنا واقفة على الباب بتفرج.. أول مرة من 5 سنين أحس إن البيت فيه صوت راجل غير صوت التليفزيون
بعدها بشوية.. قلت للبنات
يلا.. عشان معاد الغدا
طلعوا يجروا على المطبخ.. وهو قام.. ظبط بدلته اللي اتكرمشت.. وقال لي
محتاجة مساعدة؟
قلت له
تعرف تعمل مكرونة؟
بعرف أشتري مصنع مكرونة
لأ.. هنا بنعملها.. مش بنشتري المصنع
دخل المطبخ.. لقى 3 كراسي صغيرة.. و أطباق بلاستيك.. و كوبايات بنفس اللون
قال
انتي جايبة كل حاجة 3؟
قلت له
أيوه.. عشان لو جبت 2.. التالتة هتعيط.. ولو جبت 4.. هيتخانقوا مين اللي هتاخد الزيادة.. فبقيت أجيب 3 بالظبط
قعد يقطع طماطم.. وأيده بتترعش.. عمره ما دخل مطبخ.. طول عمره عنده شيف
البنت الكبيرة قالت له
قطعها صغير.. ماما بتحبها صغيرة
قال لها
حاضر يا مديرة
قعدنا ناكل..
5 كراسي حوالين ترابيزة صغيرة.. أول مرة الترابيزة الصغيرة يبقى عليها 5 أطباق.. طول عمرها عليها 4 بس
البنات بياكلوا وبيتكلموا مع بعض بصوت عالي.. وهو بيبص لهم كأنه بيتفرج على فيلم.. مش مصدق إن دول شبهه وبيتكلموا وبيتخانقوا على مين هتغسل المعلقة
بعد الغدا.. البنات ناموا.. كانوا تعبانين من العياط واللعب
فضلنا أنا وهو قاعدين في الصالة.. ساكتين
قال
ممكن أسألك سؤال؟
اسأل
ليه مقولتيش؟ يعني بعد ما ولدتي.. ليه مبعتيش؟ ليه مقلتيش دول ولادك؟
بصيت له وقلت
بعت.. بعت لك إيميل فيه صور السونــ,,ـــــار وصورهم أول ما اتولدوا..
وبعت لك جواب مع المحامية.. وبعت لك رسالة مع السواق بتاعك القديم.. وكلهم رجعوا.. السكرتيرة قالت.. الأستاذ مش عايز أي حاجة ليها علاقة بيكي.. والمحامية قالت.. هو قال أي طفل مش هعترف بيه.. والسواق قال.. رمى الجواب من غير ما يفتحه
وشه بقى أبيض
قال
أنا.. أنا قلت للسكرتيرة أي حاجة منها احــ,,ـــــرقيها.. كنت فاكر إنك عايزة فلوس.. كنت غبي.. كنت فاكر إنك بتحاولي ترجعيني بالعيال.. زي الأفلام
قلت له
وأنا كنت بحاول أقول لك إن عندك 3 بنات شبهك.. مش برجعك.. أنا كنت بخرجك من حياتي خالص.. بس كنت عايزة أديهم حقهم..
يعرفوا إن عندهم أب
قام وقف.. راح ناحية الشباك.. وبص على الجنينة.. الجنينة اللي فيها 3 عجلات صغيرة و نطاطات
قال
أنا عايز أعوض.. عايز أعوض كل حاجة
قلت له
التعويض مش فلوس.. الفلوس أنا عندي.. الشركة بتاعتي بقت أكبر من شركتك.. التعويض إنك تبقى موجود.. لما واحدة تسخن بالليل.. تصحى معايا.. لما واحدة تقع في المدرسة.. تروح معايا.. لما واحدة تقول عايزة بابا.. تلاقيك.. مش مسافر
قال
موافق.. من النهاردة.. مفيش سفر.. أنا هنقل كل شغلي هنا.. هفتح فرع الشركة هنا جنب بيتكم
ضحكت غصب عني
جنب بيتنا؟
احنا ساكنين في منطقة عادية.. مش في التجمع
أي مكان فيه انتوا.. يبقى تجمع
بصيت له.. نفس الكلام الحلو بتاع زمان.. بس المرة دي.. وراه 3 بنات نايمين جوه
قلت له
طب.. والبنات؟ هتقول لهم ايه في المدرسة؟ لما يسألوهم بابا بيشتغل ايه؟
هقول لهم بابا كان غبي.. وبيحاول يبقى ذكي دلوقتي
بعدها باسبوع.. كان عيد ميلاد البنات.. 5 سنين
عملنا عيد ميلاد في الجنينة.. 3 تورت.. كل واحدة لون.. و ميكروسكوبات زي ما طلبوا
وهو جه.. ومعاه 3 هدايا كبار.. و شنط صغيرة.. وورقة
اداني الورقة وقال
دي مش فلوس..
دي أسهم.. 30 في المية من شركتي.. باسمهم هما التلاتة.. عشان لما يكبروا.. يعرفوا إن بابا حتى لو اتأخر.. جه
قلت له
مش عايزين أسهم.. عايزينك انت
قال
الأسهم هتفضل.. وأنا هفضل برضه
البنات شافوه من بعيد وجريوا عليه
بابا جه! بابا جه!
الكبيرة كانت لابسة طوق مكتوب عليه أنا الكبيرة ب 5 دقايق
قالت له
شفت؟ احنا كبرنا 5 سنين وانت مكنتش معانا.. بس دلوقتي هنكبر سوا
شالها.. وشال التانية على كتفه.. والتالتة مسكت في رجله.. ودخل بيهم الجنينة وهو بيقول
من النهاردة.. أي حد هيسألني.. خسرت ايه؟
هقول له.. أنا مخسرتش.. أنا كنت سايب أهم 3 حاجات في حياتي عند واحدة ست أقوى مني.. وهي حافظت عليهم لحد ما رجعت
وأنا واقفة بتفرج عليهم.. 3 بنات شبهه بالظبط.. بيضحكوا نفس ضحكته.. وراجل كان فاكر إنه جاي يوريني أنا خسرت ايه.. واكتشف إن هو اللي كان خسران كل حاجة.. ولقاها في مطار.. نازلة من بنتلي.. بتجري وتقول ماما
