المطار.. أمي خدت أختي في حضڼ طويل وقالت لها
انبسطي في اليونان.. انتي تستاهلي ده
وبعدين بصت لي
لازم حد يفضل في البيت ويبقى مسؤول
أبويا رمالي مفاتيح البيت
حاول متبوظش حاجة
مسكتهم.. هزيت راسي.. ولفيت بشنطتي كأني راجع الجراج
على الأقل.. ده اللي هما فاكرين إني بعمله
بعدها ب 20 دقيقة.. بعيد عنهم ب 3 صالات..
موظفة عملت سكان للباسبور بتاعي
درجة أولى
تذكرة ذهاب بس
وعيلتي مكنتش تعرف أي حاجة
لازم حد يفضل في البيت ويبقى مسؤول
أمي قالت الجملة دي كأنها بتمدحني
كان الفجر لسه بيطلع.. واحنا واقفين عند البوابة اللي طيارة اليونان هتطلع منها
أختي لسه في حضڼ أمي.. ونضارتها فوق راسها.. وأبويا شايل شنطتها كأنها مسافرة تحارب مش طالعة تتفسح
وبعدين أبويا لف ناحيتي ورمالي المفاتيح
متبوظش حاجة
مسكتها على صدـ,,ـــري
هو ده
لا حضڼ
ولا باي باي
ولا حتى سؤال حاسس بإيه
أنا عندي 19 سنة..
وفي عيلتي كلمة مسؤول معناها حاجة واحدة
مفيد كفاية إنهم يسيبوني وراهم
أختي أكبر مني بسنتين
طول عمرها شخصيتها بتملى المكان أول ما تدخله
لما أختي بتنجح.. الكل بيحتفل
لما أنا بنجح.. حد يسألني هتعمل ايه بعد كده
لما اتقبلت في 3 جامعات.. أهلي قالوا لي الجامعة غالية ومينفعش نتسرع
لما أختي قالت عايزة تاخد سنة تسافر فيها أوروبا.. سحبوا من فلوس تعليمها من غير تردد
لما أنا اشتغلت في الصيف عشان أساعد في مصاريف البيت.. أمي قالت إني أخيرا بقيت مسؤول
أختي قضت نفس الصيف مسافرة
ولما رجعت..
أهلي عملوا لها حفلة ترجع بالسلامة
أنا عمري ما واجهتهم
ولا زعقت
بقيت شاطر أوي في السكوت
فعشان كده لما أهلي قالوا إن العيلة كلها هتروح المطار الصبح.. أنا كنت عارف الرحلة دي معناها ايه بجد
أختي طايرة اليونان
ودوري إني أقف أتفرج على الكل وهو بيحتفل بسفرها.. وبعدين أرجع البيت آخد بالي من كل حاجة
طول ما احنا ماشيين في المطار.. أمي بتظبط شعر أختي وتقول لها ابعتي صور
أبويا شايل شنطة أختي
وأنا ماشي وراهم بكام خطوة.. بجر شنطتي
محدش سألني أنا جايب شنطة ليه
عند البوابة..
أمي حــ,,ـــــضنت أختي جامد
انبسطي.. انتي تعبتي وتستاهلي ده.. انتي اشتغلتي كتير
استاهلي
الكلمة دي فضلت في دماغي
افتكرت الشفتات الزيادة اللي خدتها في الشغل
وورق الضرايب اللي ساعدت أبويا يظبطه
وتصليح السباكة اللي ساعدت أدفع تمنه
والكريسماس اللي هما سافروا فيه وأنا فضلت في البيت عشان حد لازم ياخد باله من الكلب
وبعدين أمي بصت لي
لازم حد يفضل ورا ويبقى مسؤول
أبويا رمالي المفاتيح
متبوظش حاجة
هزيت راسي
بعدها بلحظة هما التلاتة لفوا ومشيوا
وقفت أتفرج عليهم وهما داخلين طابور الطيارة
ولما اختفوا..
دخلت إيدي تحت الهودي بتاعي
إيدي مسكت البوردينج اللي مخبيه بقاله 3 أسابيع
بوابة تانية خالص
درجة أولى
ذهاب بس
من 3 أسابيع.. أول ما عرفت إنهم ناويين يسيبوني وراهم تاني..
خدت قرار
بطلت استنى إنهم يدخلوني معاهم
خدت شفتات زيادة في محل تصليح الإلكترونيات
اشتغلت شغل ويك إند
بعت جيتار قديم مكنتش بعزف عليه
وبعدين اشتريت تذكرة
مش لليونان
لمكان تاني خالص
مكان هما مختاروهوش
مكان ميعرفوش حتى إني طول عمري نفسي أشوفه
لفيت وشي من بوابتهم ومشيت
صالة
وبعدين صالة تانية
وبعدين صالة تالتة
وكل ما ببعد.. بحس إني أخف
مفاتيح البيت لسه في جيبي.. بس مبقتش حاسس إنها مسؤولية
حسيت إنها حاجة مبقتش بتاعتي
لما وصلت للبوابة بتاعتي..
الموظفة عملت سكان للباسبور
أهلا بيك
ابتسمت
تليفوني عمل ذبذبة
عملت نفسي مش سامع
وبعدين دخلت على ممر الطيارة
وكان فيه حاجة كمان أهلي ميعرفوهاش
قبل ما أسيب البيت الصبح.. حطيت ورقة متطبقة على ترابيزة السفرة
فيها جملة واحدة بس
ماشي شوية.. يمكن أكتر.. متستنونيش
من غير شرح
من غير خناق
من غير إذن
أول ما الطيارة طلعت وارتفعت.. فتحت تليفوني
6 مكالمات من أمي
3 من أبويا
جروب العيلة اتقلب
انت فين؟
المفروض تكون في البيت دلوقتي
ليه مبتردش؟
لقينا الورقة بتاعتك
فيه ايه؟
ولأول
عملت ميوت للجروب ورجعت راسي لورا على الكرسي
لأول مرة في حياتي.. هما اللي قاعدين محتارين أنا فين
بعد 12 ساعة.. نزلت.. أجرت عربية.. ودخلت شقة صغيرة على البحر.. مية زرقا بتلمع
مقولتش لحد أنا رحت فين
عدى 5 أيام
وبعدين أبويا بعت لي إيميل
احنا مربيناكش عشان تتصرف بعدم مسؤولية كده..
مينفعش تختفي كده وتسيب كل حاجة علينا
قريته مرتين
تسيب كل حاجة علينا
الضحك مسكني
بقالهم سنين سايبين كل حاجة عليا
البيت
المشاوير
التصليحات
المسؤوليات
بس أول ما مشيت.. بقيت أنا الأناني
أول حاجة جت في بالي إني أعتذر
العادة صعبة
بدل كده..
دخلت محل صغير واشتريت كارت
وكتبت على ضهره
المرادي انتو شيلوها
وبعدين حصل حاجة غيرت كل حاجة
صاحبي بعت لي صورة
صورة للجنينة بتاعة بيتنا
يافطة كبيرة محطوطة جنب الجراج
البيت للبيع
أهلي بيبيعوا البيت
البيت اللي كنت واخد بالي منه وهما مسافرين
البيت اللي لسه مكتبي وكتبي وصور طفولتي وورقي فيه
فضلت باصص للصورة كذا دقيقة
الأول اتضايقت
وبعدين الضيق راح
عشان افتكرت حاجة
حاجة أهلي ميعرفوش إني أعرفها
من أكتر من سنة.. وهما مسافرين رحلة تانية..
كنت برتب ورق قديم
وساعتها اكتشفته
مواجهتهمش
مقولتش لأختي
مقولتش حتى لصاحبي
مجرد صورت الورق المهم.. وقفلت كل حاجة.. واستنيت
مكنتش عارف هحتاجه ولا لا
ودلوقتي احتاجته
كلمت صاحبي
تعرف تدخل السندرة؟
سكت
ليه؟
محتاجك تلاقي حاجة
ايه؟
صندوق أسود.. ورا العزل على الشمال
بص لي من الشاشة
ايه اللي جواه؟
بصيت على البحر قدامي
الضمان بتاعي
تاني يوم العصر..
صاحبي كلمني فيديو من السندرة
التراب مغطي التيشيرت بتاعه والفيديو بيتهز وهو بيزحف بين الخشب
وبعدين وقف مرة واحدة
يا ابني
صوته اتغير
قربت من الشاشة
مستخبي نصه ورا العزل.. كان الصندوق الأسود
صاحبي شده
انت بجد كنت مخبي ده هنا؟
بصيت للصندوق
أهلي فاكرين القصة عن ابن مش مسؤول ساب بيت العيلة
ميعرفوش ايه اللي جوا الصندوق الأسود ده
وميعرفوش خالص ايه اللي هيحصل أول ما أفتحه
صاحبي فتح الكاميرا على الصندوق
الصندوق الأسود اللي بقاله سنة ونص مستخبي فوق
قال لي
أفتحه؟
قلت له
لا.. متفتحوش انت.. هاته وتعالى المطار.. أنا هبعت لك تذكرة حالاً.. الصندوق ده ميصحش يتفتح في فيديو
هو فيه ايه يا ابني انت قلقتني
فيه الورقة اللي هتخليهم ميعرفوش يبيعوا البيت
سكت
نعم؟
هبعت لك التذكرة.. وتعالى
قفلت معاه
ورجعت بصيت للبحر
أنا من سنة ونص لما كنت بدور في ورق البيت عشان أخلص ورق الضرايب بتاع أبويا
لقيت ظرف
ظرف قديم أصفر
مكتوب عليه بخط إيد جدي الله يرحمه
للبيت..
عشان محدش يظلــ,,ـــــم حد
فتحته
لقيت جواه عقد
عقد بيع ابتدائي
جدي قبل ما ېمــ,,ـــــوت بسنة.. كان كاتب البيت باسمي أنا وأختي
نص البيت ليا ونص لأختي
مش باسم أبويا وأمي
باسمنا احنا
ومعاه وصية متسجلة في الشهر العقاري
البيت لا يباع إلا بموافقة الطرفين كتابياً بعد سن ال 21..
وأي توكيل من الأب باطل
أبويا وأمي كانوا عايشين في البيت على إنه بيتهم
وبيبيعوه على إنه بيتهم
وميعرفوش إن جدي كاتبه لينا احنا
عشان كان عارف إن أبويا مسرف وبيصرف فلوسه على السفر
فأمن مستقبلنا احنا
أنا ساعتها صورت كل حاجة
ورجعت الظرف مكانه
وخدت الصور وحطيتها في الصندوق الأسود ده وخبيته في السندرة ورا العزل
عشان لو احتاجته
وجه اليوم اللي احتاجته
صاحبي وصل تاني يوم بالليل
أول ما شفته في المطار خدته بالحــ,,ـــــضن
كان شايل الصندوق في شنطة ضهره كأنه شايل دهب
دخلنا الشقة
اللي كنت قاعد فيها
فتحنا الصندوق
طلعت العقد الأصلي
والوصية
وصور البطايق
وكل حاجة
صاحبي قال
يا نهار أبيض.. يعني البيت بتاعك انت وأختك؟
أيوه.. نصه بتاعي قانوناً.. ومحدش يقدر يبيعه من غير إمضتي.. وأنا عندي 19 سنة.. يعني لسه فاضل سنتين على ال 21.. بس حتى أبويا ميقدرش يبيعه بتوكيل.. الوصية بتمنع ده
طب وأهلك؟
أهلي حاطين يافطة البيت للبيع وهما ملهمش حق يبيعوه..
وده يعتبر ڼصب
كلمت المحامي بتاعي
محامي شاب كنت أعرفه من شغل الصيانة
بعت له الصور
رد عليا بعد 10 دقايق
انت فين؟ العقد ده سليم 100 ومتسجل..
لبيت بتاعك انت وأختك.. ولو أبوك باعه.. البيع باطل.. والمشتري يقدر يحبسه
قلت له
أنا مش عايز أحبس أبويا.. أنا عايز أوقف البيع.. وعايز حقي
حصل.. هبعت إنذار على يد محضر بكرة الصبح لشركة العقارات ولأبوك.. البيع هيقف فوراً
وفعلاً
تاني يوم الصبح
أمي كلمتني 20 مرة
مردتش
وبعدين بعتت لي فويس وهي بټعيط
انت عملت ايه؟
شركة العقارات بتقول إن البيع وقف وإن فيه مشكلة في الملكية؟ انت ايه اللي عملته؟
مردتش
أبويا بعت لي
تعالى البيت حالاً.. انت بتلعب پالنــ,,ـــــار
برضه مردتش
أختي.. اللي كانت في اليونان.. بعتت لي
انت مچنون؟ انت وقفت بيع البيت ليه؟ احنا كنا هنسافر كلنا بالفلوس.. انت بتفكر في نفسك بس؟
ساعتها بس رديت
كتبت لها
هو البيت بتاع مين عشان تبيعوه وتسافروا بفلوسه؟
قالت
بتاع بابا وماما
لا.. البيت بتاعي أنا وانتي.. جدو كاتبه باسمنا.. نص ليكي ونص ليا..
وماما وبابا كانوا هيبيعوه وياخدوا الفلوس لوحدهم
سكتت 10 دقايق
وبعدين قالت
انت بتكدب
بعت لها صورة العقد
وصورة الوصية
شافتها
وبعدين كلمتني فيديو وهي بټعيط في اليونان
يعني ايه؟ يعني هما كانوا هيبيعوا بيتي أنا كمان من غير ما يقولوا لي؟
أيوه.. وكانوا هياخدوا الفلوس يسافروا بيها وانتي فاكرة إنهم بيبيعوا بيتهم
طب وانت عرفت ازاي؟
لقيت الورق من سنة ونص.. وسكت.. عشان كنت مستني أشوف هيعملوا ايه.. ودلوقتي عرفت
قفلت معاها
وبعدها بساعة
جروب العيلة اتقلب
أختي بعتت في الجروب
ماما.. بابا..
هو صحيح البيت مكتوب باسمي أنا وأخويا؟ وانتو كنتو هتبيعوه من غير ما تقولوا لنا؟
أمي حاولت تكدب
مين اللي قال الكلام الفارغ ده؟
أختي بعتت صور العقد في الجروب
الدنيا سكتت
محدش رد لمدة ساعة
وبعدين أبويا بعت
تعالوا انتو الاتنين البيت.. نتكلم
قلت
أنا مش راجع البيت ده غير لما أعرف حقي فين.. أنا بقالي 3 سنين بشتغل وبصرف على البيت ده.. بدفع سباكة وكهربا وضرايب.. وانتو مسافرين بفلوسي.. ودلوقتي عايزين تبيعوا البيت اللي جدي كاتبه ليا وتاخدوا فلوسه؟
أمي بعتت فويس طويل
بټعيط
يا حبيبي احنا كنا هنبيع البيت عشان نسدد ديون.. علينا ديون كتير.. مكناش هنسافر ولا حاجة.. كنا هناخد شقة صغيرة.. وكنا هنسيب لكم فلوسكم
قلت لها
ديون ايه اللي تخلينا نبيع بيت ب 400 ألف دولار؟ ديون السفر بتاعكم كل سنة؟ ديون شنط أختي اللي بتسافر بيها؟ أنا شوفت كشف حسابكم.. مفيش ديون.. فيه سفر.. فيه فنادق 5 نجوم.. فيه هدايا لأختي..
وأنا اللي بدفع فاتورة النت عشان أذاكر
سكتت
بعد 3 أيام
رجعت
بس مرجعتش لوحدي
رجعت ومعايا صاحبي والمحامي والعقد
دخلت البيت
لقيت يافطة للبيع متشالة
وأمي وأبويا قاعدين في الصالة وشهم في الأرض
أختي رجعت من اليونان بدري.. قاطعة رحلتها
أول ما شافتني جريت حــ,,ـــــضنتني
أنا آسفة.. أنا مكنتش أعرف إنهم بيعملوا فيك كده.. أنا كنت فاكراك انت اللي بتحب تقعد في البيت
قلت لها
لا.. أنا كنت بتساب في البيت
قعدنا كلنا
المحامي فتح العقد
وقال
البيت ده ملك للولدين..
كل واحد له النص.. لا يجوز البيع إلا بعد سن 21 وبموافقة الاتنين.. أي بيع دلوقتي باطل.. وحتى بعد ال 21 لو واحد مش موافق البيع مش هيتم
أبويا بص لي
يعني انت عايز ايه دلوقتي؟ عايز تحبسنا؟
قلت له
لا.. أنا عايز حقي.. أنا عايز أوضتي تفضل أوضتي.. وكتبي تفضل مكانها.. ومحدش يقول لي خليك مسؤول واقعد في البيت.. المسؤولية مشاركة.. مش واحد يشيل والتاني يسافر
أمي قالت وهي بټعيط
طب والفلوس اللي صرفناها على البيت؟
الفلوس اللي صرفتوها؟ أنا اللي دافع 6000 دولار السنة اللي فاتت تصليحات.. انتو صرفتوا ايه؟ تذكرة اليونان؟
أختي قالت
خلاص.. أنا مش عايزة أبيع.. أنا عايزة أفضل قاعدة هنا مع أخويا.. ومش هسافر تاني غير لما هو يسافر معايا
دي أول مرة أختي تقول كده
أبويا قام
راح جاب المفاتيح اللي كان
وحطها على الترابيزة
وقال
المفاتيح دي من النهاردة مش بتاعتك لوحدك.. بتاعتكم انتو الاتنين.. والبيت ده بتاعكم.. واحنا اللي هنستأذن عشان نقعد فيه
أمي حــ,,ـــــضنتني
أول حضڼ بجد من 3 سنين
قالت
سامحني.. أنا كنت فاكرة لما أقول عليك مسؤول بمدحك.. مطلعتش بمدحك.. طلعت بسټغلك
قلت لها
أنا مسامحك..
بس المسؤولية من النهاردة بالنص.. أنا أسافر مرة.. وأختي تقعد مرة.. أو نسافر كلنا.. أو منسافرش كلنا.. مفيش حد يتساب تاني
وبعد أسبوع
عملنا ورقة جديدة
ورقة اتفاق عيلة
مكتوب فيها
البيت لا يباع
السفر للكل
والمسؤولية على الكل
وعلقت الورقة على التلاجة
مكان الورقة اللي كنت سايبها قبل ما أمشي
ماشي شوية.. يمكن أكتر.. متستنونيش
دلوقتي الورقة الجديدة بتقول
رجعت.. ومش ماشي تاني لوحدي.. يا كلنا..
يا مفيش
والشنطة اللي كنت واخدها المطار وكنت فاكرها شنطة هروب
طلعت شنطة رجوع
رجوع لحقي
اللي كان مستخبي في السندرة
ورا العزل
في صندوق أسود
بقاله سنة ونص مستني حد يفتحه
بعد ما علقنا الورقة الجديدة على التلاجة
رجعت.. ومش ماشي تاني لوحدي.. يا كلنا.. يا مفيش
البيت بقى حاجة تانية خالص
أول مرة من سنين أحس إن صوت التليفزيون في الصالة مش عالي عشان يغطي على خناقة
أول مرة أحس إننا قاعدين بناكل كلنا في نفس الوقت..
مش كل واحد بياكل لوحده
أمي بقت تعمل حسابي في الأكل
بجد
يعني الأول كانت تعمل أكل لأختي وتقول لي سخن الباقي من التلاجة
دلوقتي بقت تسألني
تحب تاكل ايه النهاردة؟
سؤال بسيط.. بس بقالي 3 سنين مسمعتوش
أبويا بطل يرميلي المفاتيح
بقى يحطها في إيدي ويقول
خلي بالك من البيت.. بيتك انت
الكلمة فرقت
خلي بالك من البيت غير متبوظش حاجة
واحدة معناها أنا مأمنك.. والتانية معناها أنا مش واثق فيك
وأختي..
أختي اتغيرت أكتر واحدة
رجعت من اليونان قاطعة الرحلة في نصها
قالت لي
اليونان من غيرك ملهاش طعم.. كنت كل ما أشوف منظر حلو.. أقول يا ريته كان معايا..
كان هيصور أحسن مني
بقت تقعد معايا في أوضتي
تتفرج على شغلي في تصليح الإلكترونيات
تقول لي
علمني
علمتها
وبقت تساعدني
وبقينا بنصلح سوا
والزباين بقوا يحبونا عشان احنا الاتنين شبه بعض بس عكس بعض
أنا الهادي وهي اللي بتضحك
بعد شهر من رجوعي
شركة العقارات اللي كانت هتشتري البيت رفعت علينا قضية
بتقول إننا ضيعنا عليها وقت ومجهود وإنها عايزة تعويض 20 ألف دولار
أبويا جالي مړعوپ
هيحبسونا؟
قلت له
لا.. مفيش حبس.. دي قضية مدنية..
والمحامي هيخلصها
المحامي راح المحكمة
وورى القاضي العقد بتاع جدي
والوصية
القاضي بص لشركة العقارات وقال لهم
انتو كنتو هتشتروا بيت مش ملك اللي بيبيعه.. انتو اللي كان لازم تتأكدوا من الملكية قبل ما تحطوا يافطة.. القضية مرفوضة.. وصاحب البيت الحقيقي هو اللي من حقه يرفع عليكم قضية تشهير
طلعنا من المحكمة
أبويا حضڼي قدام المحكمة
أول مرة يحــ,,ـــــضني قدام الناس
وقال
أنا آسف.. أنا كنت هبيع بيت ابني من غير ما أعرف إنه بيت ابني
قلت له
حصل خير.. جدو هو اللي كان ذكي..
عرف إنك بتحب السفر فكتب البيت باسمنا عشان يفضل موجود
ضحك
جدك كان عارفني أكتر مني
بعد الحكم
قعدنا قعدة عيلة كبيرة
أنا وأختي وأمي وأبويا والمحامي
المحامي قال
دلوقتي قانوناً البيت بتاع الولدين.. بس انتو لسه قاصر.. يعني أبوكم وأمكم ليهم حق الوصاية لحد 21 سنة.. بس البيع ممنوع.. فعندكم حلين.. يا تفضلوا كلكم قاعدين هنا لحد ما تكملوا 21 وبعدين تقرروا.. يا تكتبوا عقد إيجار رمزي بينكم وبين أبوكم وأمكم.. عشان يبقى كل حاجة قانوني
أختي قالت
نكتب عقد إيجار بجنيه واحد في الشهر..
ويدفعوه لينا احنا
ضحكنا كلنا
وعملنا كده فعلاً
عقد إيجار
المؤجر أنا وأختي
المستأجر أبويا وأمي
القيمة جنيه واحد في السنة
المدة لحد ما نكمل 21 سنة
وأبويا مضى وهو بيضحك
وقال
أول مرة في حياتي أأجر بيتي اللي كنت فاكره بيتي
أمي قالت
بيتك ايه.. ده بيت العيال واحنا
ضيوف عندهم.. ولازم نحترم أصحاب البيت
ومن ساعتها
بقت لما تطلب مني حاجة تقول
يا صاحب البيت.. ممكن تساعدني أشيل الحاجة دي؟
بنهزر..
بس الهزار فيه احترام
بعدها ب 6 شهور
حصلي حاجة عمري ما كنت أتخيلها
جالي جواب قبول
من جامعة كنت مقدم فيها من سنة
جامعة كبيرة.. بتدي منحة كاملة للمتفوقين في صيانة الإلكترونيات
كنت مقدم قبل ما أسافر المطار.. وكنت فاكرهم رفضوني عشان مردوش
طلعوا كانوا بيدرسوا الملف
وافقوا
منحة كاملة.. 4 سنين.. وسكن جامعي.. ومصروف شهري
جريت على أمي
اتقبلت
حــ,,ـــــضنتني وعيطت
بجد؟ ألف مبروك يا حبيبي
أبويا قال
هنعمل حفلة
قلت له
حفلة ايه؟
حفلة قبول..
زي ما عملنا لأختك لما رجعت من السفر
أول مرة يعملوا لي حفلة
عملوا حفلة كبيرة
جابوا تورتة مكتوب عليها
مبروك يا صاحب البيت.. يا باشمهندس
وأختي جابت لي هدية
لابتوب جديد
قالت لي
عشان تذاكر عليه.. وتصلح عليه..
وتبقى أحسن مهندس في الدنيا
وأنا كنت واقف في نص الصالة
ببص على التورتة
وببص على العقد بتاع البيت متعلق جنب الورقة اللي على التلاجة
وببص على المفاتيح اللي بقت في جيبي بس بمعنى تاني
حسيت إني لأول مرة
مسؤول بجد
مش مسؤول عشان أسد خانة
مسؤول عشان البيت ده بتاعي
وعشان عيلتي بقت بتحترمني
قبل ما أسافر للجامعة بيوم
طلعت السندرة
لوحدي
فتحت العزل
المكان اللي كان فيه الصندوق الأسود
لقيت ورقة صغيرة واقعة
ورقة بخط جدي
مكنتش شفتها قبل كده
مكتوب
فيها
يا ولادي.. البيت ده طوبة فوق طوبة.. أنا بنيته بعرقي.. وكتبته باسمكم انتو.. عشان تفضلوا جنب بعض.. مش عشان تتخانقوا عليه.. اللي يبيع أخوه عشان بيت.. يبقى باع نفسه رخيص.. خليكم جنب بعض.. البيت بيتبني مرة.. والأخ مبيتعوضش
خدت الورقة
ونزلت
وريتها لأختي
عيطت
قالت
جدو كان عارف إننا هنتخانق؟
كان عارف إننا ممكن نتخانق.. فكتب الوصية عشان نفضل جنب بعض ڠصب عننا.. لحد ما نحب بعض بمزاجنا
حــ,,ـــــضنا بعض
سافرت الجامعة
وسايب المفاتيح مع أختي
بس المرادي بمزاجي
وكاتب لها ورقة
خلي بالك من بيتنا..
هرجع ألاقيه أحلى
وهي كل يوم بتبعت لي صورة للتلاجة
الورقة لسه متعلقة
رجعت.. ومش ماشي تاني لوحدي.. يا كلنا.. يا مفيش
وتحتها
عقد الإيجار أبو جنيه
وتحته
ورقة جدي
البيت بيتبني مرة.. والأخ مبيتعوضش
وأمي بقت كل ما حد يسألها
ابنك فين؟
تقول
صاحب البيت مسافر يدرس.. وهيرجع يبقى مهندس قد الدنيا..
والبيت مستنيه
والغريب
إن الناس بقت تحترمني في الشارع
مش عشان بقيت صاحب بيت
عشان بقيت اللي وقف وقال
لا
كلمة لا اللي كنت خاېف أقولها 3 سنين
هي اللي رجعت لي بيتي
وأختي
وأمي
وأبويا
حتى لو متأخر
حتى لو بعد شنطة سفر
وتذكرة درجة أولى
ذهاب بس
المطار اللي كنت رايحه عشان أهرب
طلع هو المطار اللي رجعني
بس رجعني صاحب بيت
مش ضيف في بيت